Bakken bada i sol!
kommentarar (3)
Slik har me hatt det heile denne godversperioden. Den kortaste dagen skein sola i 1 time og 15 minutt. Slik har det vel ikkje vore alle plassar, men tru meg, det er fint!! Så får de no komme etter når det lir ut på våren ein gong.
Kurs i felespel og song.
Sist helg hadde spelemannslaget sitt tradisjonelle kurs i felespel og song. Dyktige leremeistrar var Håkon Høgemo og Kari Malmanger. Om kvelden var det ein flott konsert med dei to. Det hadde nok vore plass til meira folk. Etterpå var det dans og dei lokale felejentene var med og sytte for musikken.
Julefjøs på Snøtun.
I dag har me vore på Snøtun dar Gunnhild hadde laga til utstilling og sal av gamle og nye ting i fjøsen. Hege, Sigrid og Arne hadde aktivitetar som riding og skileik med ungane. Det var ein triveleg stund med kaffi, gløgg og gode kaker. All ros til Snøtunsfolki for eit flott tiltak, dei er i allefall ikkje redde for å lage seg arbeid. Kanskje kan det verta eit årleg tiltak som fleire av oss kan henge seg på……..
Sauahovelag.
Fredag 13 var det sauahovelag på hotellet. Det var nok ein del som ikkje hadde smakt denne matretten før, men var likevel tøffe nok til å prøve det. Ja ja , det var no ikkje alle som torde prøve, men det får gå for denne gongen. Håpar at alle tykte det var ein triveleg kveld og så får me sjå då kva rett det blir neste gong.
Rupeungane.
Eit flott musikkspel der dei viser friarferd over breen. Godt jobba!
Meir frå Kappleiken.
Har vore litt sløv med blogginga no, men her kjem litt meir bilete frå kappleiken av flinke lokale utøvarar.
Vestlandskappleik
Her er nokre bilete frå konserten og sleppet av minneplata til Sjur Hesjevoll.
Vassfaret – Langedrag
Det er nok ikkje rein i Bakkemarki, heller ikkje bjørn i Bergsetdalen. Bileta var nok frå Vassfaret og Langedrag. Her er nokre fleire bilete frå turen.
